Y Bencampwriaeth: Barnsley 0-2 Abertawe

Mae Abertawe wedi creu bwlch o bedwar pwynt oddi wrth Bournemouth sy'n drydydd yn y Bencampwriaeth wedi buddugoliaeth yn Barnsley.

Fe aeth Abertawe ar y blaen cyn yr egwyl gyda'u hergyd gyntaf at y gôl, peniad Ben Cabango yn dilyn tafliad.

Camgymeriad gan Barnsley wedi 55 munud oedd yn gyfrifol am yr ail gôl.

Fe wnaeth Mads Anderson a Michael Helik ddrysu ei gilydd, gan ganiatáu rhediad i Jamal Lowe wnaeth ergydio i gefn y rhwyd.

Golygai'r fuddugoliaeth fod Abertawe yn cryfhau eu lle yn yr ail safle, bedwar pwynt tu ôl i Norwich.