Rhybuddion o eira a rhew i Gymru dros y penwythnos

weather warning mapMet office

Mae yna rhybudd am eira ar draws Cymru dydd Sadwrn

Mae disgwyl eira a rhew mewn rhai ardaloedd o Gymru ar ddiwedd yr wythnos, gyda dau rybudd tywydd gwahanol mewn grym.

Yn ôl y Swyddfa Dywydd mae disgwyl eira a rhew ar draws ardaloedd o Sir Gaerfyrddin a Sir Benfro rhwng nos Iau a bore dydd Gwener.

Mae yna hefyd ail rybudd am eira ar ddydd Sadwrn ar draws y rhan fwyaf o ganolbarth a gogledd-orllewin Cymru.

Gall gwyntoedd cryfion o'r dwyrain achosi stormydd eira mewn rhai ardaloedd.

weather warning mapMET OFFICE

Mae'r rhybudd cyntaf yn berthnasol i orllewin Cymru

Mae disgwyl i'r rhybudd cyntaf o rew fod mewn grym o 21:00 nos Iau tan 11:00 dydd Gwener ac ond yn effeithio ar dde orllewin Cymru.

Mae'n bosib gall rhai ffyrdd a rheilffyrdd gael eu heffeithio gyda pherygl o amseroedd teithio hirach ar ffyrdd, ac wrth ddefnyddio bysiau a threnau.

Ddydd Sadwrn mae yna ail rybudd am eira o hanner nos dydd Sadwrn tan hanner nos dydd Sul.

Er hyn, mae'r posibilrwydd o gael eira trwm yng Nghymru yn llai sicr ar hyn o bryd.

Mae rhybudd dydd Sadwrn yn berthnasol i'r siroedd canlynol:

  • Blaenau Gwent

  • Caerffili

  • Caerfyrddin

  • Castell-nedd Port Talbot

  • Ceredigion

  • Conwy

  • Dinbych

  • Gwynedd

  • Merthyr Tudful

  • Powys

  • Rhondda Cynon Taf

Pynciau cysylltiedig