Y Bencampwriaeth: Abertawe 0-1 Caerdydd
- Cyhoeddwyd
Mae'r amddiffynwr Aden Flint wedi sgorio 38 gôl ers 2014
Fe wnaeth Caerdydd roi hwb i'w gobeithio o gyrraedd y gemau ail-gyfle wrth guro Abertawe yn Stadiwm Liberty.
Roedd y fuddugoliaeth, diolch i beniad Aden Flint, hefyd yn ergyd i obeithion yr Elyrch o sicrhau dyrchafiad awtomatig i'r Uwch Gynghrair.
Erbyn hyn mae yna fwlch o chwe phwynt rhwng Abertawe a Watford yn yr ail safle, gydag Abertawe wedi chwarae un gêm yn llai.
Mae'r fuddugoliaeth yn gweld Caerdydd yn codi i'r wythfed safle, pedwar pwynt o'r safleoedd ail-gyfle.
Gallai ymosodwr Cymru Kieffer Moore fod wedi dyblu mantais Caerdydd - ond methodd gyfle gwych.
Wrth i Abertawe bwyso am gôl gyfartal, Andre Ayew ddaeth agosaf, ei ergyd yn taro'r postyn.
Daeth gôl Caerdydd ar ôl tafliad hir Will Vaulks wrth i amddiffyn Abertawe fethu a chlirio.
Er i Freddie Woodman arbed yn wych i rwystro Marlon Pack roedd Flint ar gael i benio'r bêl i gefn y rhwyd.
Yr Elyrch orffennodd gryfaf, gyda Morgan Whittaker yn methu cyfle yn hwyr yn y gêm, a Dillon Phillips yn arbed ergyd gan Lowe.