Beiciwr modur yn marw wedi gwrthdrawiad gyda fan

Roedd y ffordd ar gau am oddeutu chwe awr wrth i'r heddlu ymchwilio i'r achos

Mae beiciwr modur 54 oed wedi marw yn dilyn gwrthdrawiad gyda fan.

Fe ddigwyddodd y gwrthdrawiad ar yr A466 ger Tyndyrn, yn Sir Fynwy tua 11:30 ddydd Gwener.

Bu farw'r dyn, oedd yn dod o Gas-gwent yn y fan a'r lle, medd Heddlu Gwent.

Mae swyddogion arbenigol y llu'n rhoi cymorth i'w deulu.

Mae'r llu'n apelio am wybodaeth neu luniau dash cam all helpu'r ymholiad.