Dechrau addawol i Forgannwg yn erbyn Sussex
- Cyhoeddwyd
Kiran Carlson oedd y seren i Forgannwg ddydd Iau gyda sgôr o 127 heb fod allan
Mae Morgannwg wedi cael dechrau addawol ar ddiwrnod cyntaf eu gêm yn erbyn Sussex yng Ngerddi Soffia ddydd Iau.
Llwyddodd Morgannwg i gyrraedd cyfanswm o 285 wedi i Sussex benderfynu mai'r tîm cartref fyddai'n batio gyntaf.
I Kiran Carlson (127 heb fod allan) a David Lloyd (84) oedd y diolch am hynny, gyda fawr o help gan unrhyw fatwyr eraill ar wahân i Dan Douthwaite (36).
Fe gafodd Sussex ddechrau gwych i'w batiad cyntaf nhw yn hwyr ddydd Iau, gan gyrraedd sgôr o 99-0 erbyn diwedd y dydd.
Bydd Sussex felly'n parhau gyda'u batiad ar ddechrau'r ail ddiwrnod ym Mhencampwriaeth y Siroedd - 186 o rediadau ar ei hôl hi ond gyda 10 o wicedi yn weddill.