Ymchwilio i 'farwolaeth sydyn' dyn yn Sir Benfro

Cafodd y dyn ei ganfod ar Stryd Laws yn Noc Penfro yn oriau mân y bore, meddai'r heddlu

Mae Heddlu Dyfed-Powys yn ymchwilio i "farwolaeth sydyn" dyn 27 oed yn Sir Benfro.

Cafodd y dyn ei ganfod ar Stryd Laws yn Noc Penfro yn oriau mân y bore ddydd Sadwrn, meddai'r heddlu.

Dywedodd y llu fod dau ddyn wedi cael eu harestio mewn cysylltiad â'r farwolaeth.

Ychwanegodd yr heddlu eu bod yn cydnabod y gallai presenoldeb yr heddlu fod wedi bod yn bryderus i'r gymuned, gan ddiolch iddyn nhw am eu cymorth.