Y Bencampwriaeth: Abertawe 1-1 Blackpool

Bu'n rhaid i Abertawe fodloni ar gêm gyfartal gartref yn erbyn Blackpool ddydd Sadwrn wedi i gôl hwyr eu hatal rhag cipio'r triphwynt.

Wedi dechrau digon cyfartal, aeth yr Elyrch ar y blaen ar ôl 36 munud gyda Joel Piroe yn sgorio gydag ergyd arbennig o du allan i'r cwrt cosbi.

Roedd hi'n edrych fel pe bai Abertawe wedi gwneud digon am y fuddugoliaeth, cyn i Keshi Anderson rwydo i'r ymwelwyr gyda phum munud yn weddill.

Mae'r canlyniad yn golygu fod yr Elyrch yn aros yn y 12fed safle yn y Bencampwriaeth - pum pwynt o safleoedd y gemau ail gyfle.