Caerdydd: Arestio dynes ar amheuaeth o geisio llofruddio
- Cyhoeddwyd
Galwyd yr heddlu a'r ambiwlans i Ffordd Plymouth Wood yn ystod oriau mân fore Sul
Mae dynes wedi cael ei harestio ar amheuaeth o geisio llofruddio yn dilyn adroddiadau fod dyn wedi cael ei drywanu yng Nghaerdydd.
Galwyd yr heddlu toc cyn 05:00 fore Sul i'r digwyddiad mewn eiddo ar Ffordd Plymouth Wood yn ardal Trelái o'r brifddinas.
Cafodd dyn 32 oed ei gludo i Ysbyty Athrofaol Cymru yng Nghaerdydd, ble mae mewn cyflwr sefydlog.
Fe gafodd dynes 29 oed ei harestio ar amheuaeth o geisio llofruddio.
Cadarnhaodd yr heddlu fod y ddau yn adnabod ei gilydd, ac nad ydynt yn chwilio am unrhyw un arall mewn cysylltiad â'r digwyddiad.