Y Bencampwriaeth: Millwall 0-1 Abertawe

Joel Piroe yn dathlu'i gôl gyda Cyrus Christie

Dilynodd Abertawe eu buddugoliaeth yn gêm ddarbi de Cymru gyda thriphwynt arall nos Fawrth.

Wedi hanner cyntaf di-sgôr yn ne Llundain, agorwyd y sgorio yn fuan wedi'r egwyl diolch i Joel Piroe.

Yn rhwydo'i unfed gôl ar bymtheg yn y gynghrair, roedd yn ddigon i esgyn yr Elyrch i'r 14eg safle.

Yn wir, Abertawe gafodd y gorau o'r meddiant a'r cyfleon, ac roedd tîm Russell Martin yn llawn haeddu'r fuddugoliaeth.

Golygai fod yr Elyrch wedi hawlio 10 pwynt o'u pedwar gêm ddiwethaf.