Rhybudd am stormydd mellt a tharanau i rannau o Gymru

Mae'r rhybudd mewn grym i 15 o siroedd Cymru

Mae rhybudd y gallai stormydd mellt a tharanau effeithio ar sawl rhan o Gymru ddydd Llun.

Yn ôl y Swyddfa Dywydd, gallai'r stormydd gwasgaredig effeithio ar amodau gyrru, amseroedd trenau a chyflenwadau trydan i gartrefi a busnesau am gyfnod byr.

Gallai hyd at 20mm o law ddisgyn mewn mannau ac mae disgwyl cyfnodau o gesair a mellt.

Daeth y rhybudd melyn i rym am 13:00 ac mae'n para nes 22:00.

Mae 15 o siroedd Cymru'n cael eu rhybuddio:

• Blaenau Gwent

• Caerffili

• Ceredigion

• Conwy

• Fflint

• Gwynedd

• Merthyr Tudful

• Mynwy

• Powys

• Rhondda Cynon Taf

• Sir Gaerfyrddin

• Sir Ddinbych

• Torfaen

• Wrecsam

• Ynys Môn