Morgannwg yn boddi yn ymyl y lan yn erbyn Surrey

Er sicrhau buddugoliaeth yn erbyn Sussex nos Iau, colli oedd tynged Morgannwg ar y Kia Oval nos Wener

Colli o bedair wiced oedd tynged Morgannwg wrth iddynt deithio i Surrey nos Wener.

Ond bu'n rhaid i Surrey weithio am eu buddugoliaeth, diolch yn bennaf i ddoniau bowlio Michael Hogan (5-18) i'r ymwelwyr.

Er hynny, llwyddodd y tîm cartref i sicrhau'r wyth rhediad yr oeddynt ei angen o'r wyth pêl yn weddill.

Ollie Pope a Sam Curran oedd sêr Surrey ar y noson wrth i Forgannwg adael nod o 174.

Ond gydag un bêl i'w sbario, llwyddodd Jamie Overton a Chris Jordan i sicrhau'r rhediadau angenrheidiol i anfon y dorf adref yn hapus.