Llanw ym Môn yn gorchuddio cerbyd 4x4

Cafodd gwylwyr y glannau eu galw i'r Traeth Coch wedi adroddiadau bod cerbyd yn sownd yn y mwd

Ar Ynys Môn bu'n rhaid tynnu cerbyd 4x4 o'r môr wedi i'r llanw ei orchuddio â dŵr.

Fe gyrhaeddodd gwylwyr y glannau Moelfre, Draeth Coch, toc wedi 18:30 nos Sadwrn i achub y cerbyd Volkswagen wedi adroddiadau ei fod yn sownd yn y mwd.

Doedd na'm teithwyr yn y car ar y pryd ond oherwydd pryderon y gallai'r tanwydd yn y cerbyd achosi llygredd fe alwyd ar ffermwr i dynnu'r car gyda thractor.

Erbyn i'r ffermwr gyrraedd roedd y cerbyd bron yn gyfan gwbl o dan ddŵr.

Erbyn i wylwyr y glannau ddychwelyd am 01:00 fore Sul i symud y cerbyd roedd e eisoes wedi ei dynnu allan o'r dŵr gan gloddiwr.

Cafodd y cerbyd ei dynnu o'r traeth am tua hanner nos

Yn Y Mwmbwls am 03:40 fore Sul cafodd gwylwyr y glannau eu galw wedi i gar Volkswagen Golf fynd o dan ddŵr ar draeth Cas-wellt ym Mhenrhyn Gŵyr.

Dywedodd llefarydd: "Fe gafodd pobl eu symud yn syth o'r dŵr i ddiogelwch gan wylwyr y glannau.

"Fe ddywedon ni wrth y cyhoedd am gadw draw o'r cerbyd gan y gallai fod yn beryg tan iddo gael ei symud gan arbenigwyr."

Roedd y car yma wedi cael ei adael ar draeth ym Mhenrhyn Gŵyr

Mae'r car bellach wedi cael ei symud.