Heddlu'n arestio 12 wedi protest tanwydd ar y ffyrdd

Yr heddlu yn hebrwng ceir dros Pont Tywysog Cymru fore LlunPA Media

Yr heddlu yn hebrwng ceir dros Pont Tywysog Cymru fore Llun

Yn ôl Heddlu Gwent mae 12 o bobl wedi cael eu harestio wedi i brotestwyr yn erbyn pris uchel tanwydd dargedu traffyrdd.

Fore Llun fe lwyddodd ymgyrchwyr i gau rhannau o'r draffordd rhwng Bryste a de Cymru am gyfnod, gan gynnwys Pont Tywysog Cymru dros Afon Hafren.

Mae'n rhan o gyfres o ddigwyddiadau ar draffyrdd drwy'r Deyrnas Unedig gyda'r heddlu yn rhybuddio am oedi sylweddol i deithwyr.

Dywedodd yr heddlu bod y 12 wedi eu harestio am yrru ar gyflymder o lai na 30mya am gyfnod hir.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Traffig Cymru De

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Fe lwyddwyd i ailagor lôn ddwyreiniol y bont am 11:45.

Oherwydd cau'r ffordd ddwyreiniol, roedd dargyfeiriadau yn cyfeirio gyrwyr at bont yr M48.

Yr heddlu yn rhwystro traffig oedd yn cyrraedd Pont Tywysog Cymru o'r gorllewin yn gynharach

Y gred yw bod y protestiadau wedi'u trefnu drwy'r cyfryngau cymdeithasol o dan y faner Fuel Price Stand Against Tax.

Mae disgwyl tagfeydd ar hyd y Deyrnas Unedig wrth i wrthdystwyr gynnal digwyddiadau eraill.

'Dychwelyd traffig i normal'

Yn ôl Heddlu Gwent mae disgwyl i brotestiadau gael eu cynnal rhwng 07:00 a 19:00, gyda swyddogion yn ceisio sicrhau nad ydy'r protestwyr yn teithio ar gyflymder o lai na 30mya.

Traffig Cymru

Yr M4 fore Llun wrth i brotestwyr dargedu traffyrdd mewn ymateb i brisiau tanwydd

Mewn ymateb i'r protest dywedodd y Canghellor, Rishi Sunak, y bydd yn ystyried yn ofalus y galwadau am doriad treth tanwydd "mwy sylweddol" wedi i ostyngiad o 5c y litr fis Mawrth fethu ag atal codiad mewn prisiau.

Mae ffigyrau gan y cwmni data Experian yn dangos bod pris cyfartalog litr o betrol yn y DU wedi cyrraedd uchafbwynt newydd o 191.4c ddydd Iau, tra bod disel wedi codi i 199.1c.

Dywedodd Llywodraeth y DU: "Er ein bod yn deall bod pobl yn cael trafferth gyda phrisiau cynyddol a bod ganddyn nhw hawl i brotestio, ni ddylid amharu ar fywydau pob dydd pobl."

Ychwanegodd llefarydd y bydd oedi traffig "ond yn ychwanegu at y defnydd o danwydd".

Pynciau cysylltiedig

Straeon perthnasol