Rhybudd i nofwyr dros algâu Llyn Tegid, Y Bala

Mae rhybudd i ymwelwyr i lyn poblogaidd yng Ngwynedd ar ôl i algâu niweidiol gael ei ddarganfod.

Dywedodd Parc Cenedlaethol Eryri bod yr algâu gwyrddlas wedi ei weld yn Llyn Tegid, Y Bala.

Mae'r llyn yn boblogaidd ar gyfer nofio a chwaraeon dŵr, ond mae'r awdurdodau'n rhybuddio rhag dod i gysylltiad gyda'r algâu.

Mae'r algâu yn ffurfio'n naturiol, ond mae'n gallu achosi brech, salwch, poen llygaid neu boen yn y cyhyrau os caiff ei lyncu.