Joe Rodon yn ymuno â Rennes ar fenthyg am y tymor

Mae Joe Rodon wedi gwneud 24 ymddangosiad i Spurs ers ymuno o Abertawe yn 2020

Mae amddiffynnwr Cymru a Tottenham Hotspur, Joe Rodon wedi ymuno â chlwb Rennes yn Ffrainc ar fenthyg ar gyfer y tymor.

Fe wnaeth Rodon, 24, ymuno â Spurs o Abertawe ym mis Hydref 2020, ac mae wedi gwneud 24 ymddangosiad i'r clwb ers hynny.

Er ei fod yn chwaraewr allweddol i Gymru, mae wedi ei chael yn anodd sicrhau lle yn nhîm cyntaf Tottenham.

Fe orffennodd Rennes yn bedwerydd yn Ligue 1 y tymor diwethaf, ac mae opsiwn ganddyn nhw hefyd i brynu Rodon yn barhaol ar ddiwedd ei gyfnod ar fenthyg.