Arestio dyn yn dilyn ymosodiad rhyw ym Mharc Bute

Cafodd yr heddlu eu galw i Barc Bute yn gynnar ddydd Sul

Mae dyn 27 oed wedi cael ei arestio yn dilyn ymosodiad rhyw honedig mewn parc yng nghanol Caerdydd.

Fe gafodd yr heddlu eu galw am 06:00 fore Sul mewn cysylltiad â'r achos ym Mharc Bute ac mae rhan o'r parc wedi cael ei gau.

Dywed Heddlu De Cymru bod dyn yn cael ei gadw yn y ddalfa mewn cysylltiad â'u hymchwiliad.

Yn ôl y Ditectif Arolygydd Abi Biddle, fe fydd cordon yn parhau yn ei le nes i'r llu gwblhau ymholiadau.

Mae'r llu'n apelio ar dystion posib i gysylltu â nhw.