Y Bencampwriaeth: Reading 2-1 Abertawe
- Cyhoeddwyd
Sgoriodd cyn-ymosodwr Newcastle, Andy Carroll, y gôl agoriadol wedi 27 munud
Llwyddodd Reading i esgyn i'r wythfed safle yn dilyn eu trydedd buddugoliaeth mewn pedair gartref yn erbyn yr Elyrch.
Rhoddodd Andy Carroll y Royals ar y blaen yn yr hanner cyntaf gyda Yakou Meite hefyd yn methu cic o'r smotyn i'r tîm cartref.
Daeth mwy o drafferthion i'r Elyrch wedi'r egwyl gyda phas lac Steven Benda yn syrthio i Tom Ince, gyda'i ergyd yn dyblu mantais Reading.
Daeth ychydig o obaith i Abertawe pan sgoriodd yr eilydd Liam Cullen wedi 71 munud, ond methiant oedd eu hymgais i sicrhau pwynt.
Golyga'r canlyniad fod yr Elyrch bellach yn 16eg yn y tabl.