Rhyddhau dyn ar fechnïaeth wedi marwolaeth Keely Morgan

Cafodd Keely Morgan ei disgrifio fel merch "synhwyrol a charedig" gan ei theulu

Mae dyn a gafodd ei arestio yn dilyn gwrthdrawiad a laddodd merch 15 oed wedi cael ei ryddhau ar fechnïaeth.

Bu farw Keely Morgan ar ôl cael ei tharo gan gar ar Heol Trelai, Caerdydd am tua 21:30 ddydd Llun.

Cafodd dyn 40 oed ei arestio ar amheuaeth o achosi marwolaeth drwy yrru'n beryglus wedi'r digwyddiad.

Mae bellach wedi'i ryddhau ar fechnïaeth tra bod ymchwiliad yr heddlu'n parhau.

Mewn datganiad dywedodd teulu Keely ei bod yn ferch "synhwyrol a charedig" a bod ganddi "wên hardd" fyddai'n goleuo pob ystafell.