Adroddiad fod person yn yr afon yng nghanol Caerdydd
- Cyhoeddwyd
Mae'r heddlu wedi gofyn i bobl gadw draw o ardal yng nghanol Caerdydd yn dilyn adroddiad fod person yn yr afon.
Cafodd y gwasanaethau brys eu galw am tua 07:50 ddydd Mawrth i ddigwyddiad yn Afon Taf ger pont Wood Street.
Honnodd llygad dyst wrth BBC Cymru ei fod wedi ffonio 999 ar ôl sylwi bod dyn yn y dŵr.
"Roedd [y dyn] yn gweiddi a sgrechian am help," meddai'r dyn, nad oedd am gael ei enwi.
"Gwnes i drio ei ddilyn i gadw fyny gyda fe. Nes i golli golwg ohono yn yr afon."
Dywedodd bod "llif y dŵr yn gyflym iawn".
Bu'r ffordd rhwng Tudor Street a Wood Street ar gau i'r ddau gyfeiriad am gyfnod ond mae bellach wedi ailagor.
Mae Heddlu De Cymru yn annog pobl i osgoi'r ardal.