Tân mewn meithrinfa ym Mhwllheli
Does dim adroddiadau fod unrhyw un wedi cael niwed yn y tân yn Meithrinfa Enfys Fach
- Cyhoeddwyd
Mae'r gwasanaethau brys wedi bod yn ceisio diffodd tân mewn meithrinfa ym Mhwllheli.
Cafodd y gwasanaethau brys eu galw i Feithrinfa Enfys Fach ar Ffordd Caerdydd am tua 14:00 ddydd Sul.
Dywed Gwasanaeth Tân ac Achub Gogledd Cymru fod criwiau o Bwllheli, Nefyn a Chaernarfon wedi bod ar y safle yn ceisio diffodd y fflamau.
Does dim adroddiadau fod unrhyw un wedi cael niwed, ond dydyn nhw ddim yn gwybod pa mor ddrwg ydy'r difrod i'r adeilad.