Lluniau: Mistar Urdd ym Maldwyn

Hei, Mistar Urdd, ty’d am dro ar hyd y ffyrdd!

Wel, mae mwy nag un Mistar Urdd ar hyd ffyrdd pentrefi ardal Maldwyn ar hyn o bryd, yn barod i groesawu plant a phobl ifanc Cymru i faes Eisteddfod yr Urdd 2024.

Dyma'r tro cyntaf i Eisteddfod yr Urdd ymweld â Maldwyn ers 1988 a bydd wedi'i leoli ar gaeau Fferm Mathrafal, ger Meifod rhwng 27 Mai – 1 Mehefin 2024.

Mae Menter Iaith Maldwyn wedi bod yn cynnal gweithdai harddu i greu arwyddion o bob math, ac mae nifer o gymunedau, busnesau, ysgolion ac unigolion wedi mynd ati ar eu liwt eu hunain i addurno eu cartrefi, pentrefi, busnesau ac ysgolion.

Sawl Mistar Urdd welwch chi yn y lluniau hyn?

Gweithio ar y fferm ac nid canu ar y llwyfan fydd y ddau Mistar Urdd yma yn ei wneud ym Mhontrobert

Mae Mistar Urdd arall yn rhwyfo ar Afon Efyrnwy...

Mae yna fwynder i Faldwyn ond mae yna olygfeydd tuag at fynyddoedd Cambria a Meirionnydd hefyd

Mae'r Mistar Urdd yma gan deulu Maes Mathrafal, Llangynyw yn gallu gyrru tractor

Mae dawnsio gwerin ar flwch post yn fwy o hwyl na dawnsio gwerin ar lwyfan...

Croeso cynnes i Eisteddfodwyr gan Ysgol Bro Caereinion

Ymlacio mae'r ddau Mistar Urdd yma yn Ysgol Pontrobert

Mae Ysgol Llanfyllin wedi bod yn brysur yn creu llun o'r goeden unig sy'n Llanfyllin... gyda Mistar Urdd ar bob cangen

Mae telynau di-ri i'w gweld hefyd, diolch i ganghennau Merched y Wawr ym Maldwyn. Llinos Evans o Lwydiarth sydd wedi gwneud y delyn yma

Mae Llanfyllin Men's Shed a The Crafty Hub Group hefyd wedi bod yn brysur yn creu draig goch

Mae plant Ysgol Cegidfa wedi creu Mistar Urdd allan o hen deiars

Diolch am y croeso glwb ffermwyr ifanc Dyffryn Banw

Catrin, Owain a Lois o'r Wern yn Y Foel sydd wedi gwneud yr arwydd clyfar yma

Sawl Mistar Urdd sydd ym Mhen-Y-Bont-Fawr?

Tan y tro nesaf Maldwyn!