Morgannwg yn trechu Sussex yn y T20 yn Hove

Sgoriodd Colin Ingram 48 o rediadau oddi ar 32 pêl i Forgannwg

Fe wnaeth dechrau addawol Morgannwg i'r gystadleuaeth 20 pelawd barhau gyda buddugoliaeth dros Sussex yn Hove brynhawn Sul.

Llwyddodd Morgannwg i gyrraedd sgôr gwych o 219-5 yn eu 20 pelawd nhw, gyda Chris Cooke (50) a Colin Ingram (48) yn serennu.

Dim ond cyfanswm o 187-8 lwyddodd Sussex i gyrraedd yn eu hymateb nhw, er gwaethaf ymdrechion Tom Alsop (58) a Michael Burgess (45).

Enillodd y Cymry felly o 32 o rediadau.

Mae Morgannwg bellach wedi chwarae pum gêm yn y gystadleuaeth, gan ennill pedair a cholli un.