Cannoedd yn mentro i'r môr yn Ninbych-y-Pysgod
Thema'r wisg ffansi ar gyfer eleni oedd Archarwyr a hynny fel teyrnged i weithwyr bad achub yr RNLI
- Cyhoeddwyd
Fe wnaeth nifer fentro i ddŵr oer y môr yn Ninbych-y-pysgod fore Iau - un o draddodiadau Gŵyl San Steffan yr ardal.
Trefnir y digwyddiad gan Gymdeithas Nofio Môr Dinbych-y-pysgod, ac mae wedi dod yn un o uchafbwyntiau Nadoligaidd Cymru dros y blynyddoedd gan gychwyn dros hanner can mlynedd yn ôl.
Dros y blynyddoedd, mae wedi codi miloedd ar gyfer elusennau ac achosion da lleol, cenedlaethol a rhyngwladol.
Mae poblogrwydd y digwyddiad yn parhau i dyfu wrth i gannoedd redeg i'r môr.
Thema'r wisg ffansi ar gyfer eleni oedd Archarwyr a hynny fel teyrnged i weithwyr bad achub yr RNLI - sefydliad sy'n dathlu ei ben-blwydd yn 200 oed.
Hapusrwydd yn Ninbych-y-pysgod fore Iau
Roedd y digwyddiad eleni yn un arbennig iawn un cwpwl wrth iddyn nhw ddyweddïo ar y traeth yn Sir Benfro.
O flaen cannoedd fe ofynnodd Philip Frith, 34, i Victoria Tansey, 37, ei briodi.