Trafferthion traffig yn y gorllewin wedi dau wrthdrawiad
Yr A48 ar gau wedi'r gwrthdrawiad rhwng car a lori fore Gwener
- Cyhoeddwyd
Mae adroddiadau o drafferthion traffig yn y gorllewin yn dilyn dau wrthdrawiad ar ffyrdd gwahanol fore Gwener.
Ar yr A48 fe ddigwyddodd gwrthdrawiad rhwng lori a char am 07:40 rhwng Foelgastell a Llanddarog.
Mae un person wedi cael ei gludo i'r ysbyty gydag anafiadau difrifol.
Mae Heddlu Dyfed-Powys yn gofyn i bobl osgoi'r ardal ac yn annog unrhyw un sydd â gwybodaeth i gysylltu â nhw.
Fe ddigwyddodd gwrthdrawiad yr A40 hefyd fore Gwener, ger garej Efail tua 07:25.
Dywedodd Heddlu Dyfed-Powys bod y gwrthdrawiad yn cynnwys dau gerbyd ar y ffordd tua'r gorllewin.
Cafodd dau o bobl eu cludo i'r ysbyty, ond dyw eu hanafiadau ddim yn peryglu bywyd.
Fe wnaeth yr A40 ailagor am 10:15.