Gweithwyr rheilffordd yn helpu diffodd tân ger Blaenau Ffestiniog
Mae un o weithwyr y rheilffordd i'w weld yn helpu chwistrellu dŵr ar y fflamau
- Cyhoeddwyd
Mae Gwasanaeth Tân ac Achub y Gogledd yn dweud bod gweithwyr rheilffordd wedi bod yn eu helpu ymateb i dân mawr ar lethrau ger Blaenau Ffestiniog.
Cafodd y gwasanaethau brys eu galw i'r digwyddiad toc cyn 16:50 brynhawn Iau.
Dywedodd llefarydd ar ran y gwasanaeth fod y fflamau wedi lledaenu dros ardal 3,000 o fetrau sgwâr mewn maint, a bod dau griw tân a cherbydau a swyddogion arbenigol yn rhan o'r ymateb.
Ychwanegodd y llefarydd fod gweithwyr Rheilffordd Ffestiniog wedi bod yn defnyddio un o'u tanceri dŵr wrth gefnogi'r gwaith o daclo'r fflamau.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.