Ymchwilio i lofruddiaeth dynes 45 oed yng Nghaerdydd
Cafodd y gwasanaethau brys eu galw i'r eiddo ar Heol Caerffili toc wedi hanner nos fore Mawrth
- Cyhoeddwyd
Mae Heddlu'r De yn ymchwilio i lofruddiaeth, ar ôl i gorff dynes gael ei ddarganfod yng Nghaerdydd.
Cafodd y gwasanaethau brys eu galw i eiddo ar Heol Caerffili am tua 00:30 fore Mawrth yn dilyn adroddiadau bod dynes 45 oed wedi marw.
Mae dyn 44 oed wedi cael ei arestio ar amheuaeth o lofruddiaeth, ac mae'n cael ei holi yn y ddalfa.
Mae swyddogion yn parhau ar y safle tra bod ymholiadau pellach yn cael eu cynnal.