Rhybudd melyn am law i dde a gorllewin Cymru

Mae'r rhybudd mewn grym o 18:00 nos Lun tan 03:00 fore Mawrth

Mae rhybudd melyn am law wedi ei gyhoeddi ar gyfer rhannau helaeth o dde a gorllewin Cymru nos Lun.

Dywedodd y Swyddfa Dywydd y gallai'r glaw "trwm ar brydiau" achosi rhywfaint o drafferthion i deithwyr.

Fe all teithiau bws a thrên gymryd mwy o amser, tra bod llifogydd ar y ffyrdd hefyd yn bosib.

Mae rhwng 20-40mm o law yn debygol ar hyd mwyafrif yr ardal dan sylw.

Bydd y rhybudd mewn grym o 18:00 nos Lun tan 03:00 fore Mawrth yn yr ardaloedd canlynol:

• Abertawe

• Blaenau Gwent

• Bro Morgannwg

• Caerdydd

• Caerffili

• Casnewydd

• Castell-nedd Port Talbot

• Ceredigion

• Merthyr Tudful

• Pen-y-bont

• Powys

• Rhondda Cynon Taf

• Sir Befnro

• Sir Fynwy

• Sir Gaerfyrddin

• Torfaen