Nwyddau gwerth £2,000 'wedi'u dwyn' o Dunelm Caerfyrddin
- Cyhoeddwyd
Mae’r heddlu yn ymchwilio i achos honedig o ddwyn o siop Dunelm yng Nghaerfyrddin.
Fe gafodd nwyddau gwerth rhyw £2,000 eu dwyn o’r siop ym Mhen-sarn fore Sul, yn ôl Heddlu Dyfed-Powys.
Fe ddigwyddodd hyn rhwng 10:35 a 10:50 y bore, meddai'r llu mewn datganiad.
Mae'r heddlu wedi rhannu llun camerâu cylch cyfyng o unigolyn a allai helpu â’u hymchwiliad
Mae swyddogion wedi rhannu llun camerâu cylch cyfyng o unigolyn a allai helpu â’u hymchwiliad.
Mae cais i'r cyhoedd gysylltu â Heddlu Dyfed-Powys os ydyn nhw’n adnabod yr unigolyn.