Caerdydd: Tri dyn wedi eu harestio yn dilyn ymosodiad difrifol
Fe ddigwyddodd yr ymosodiad ger tafarn Gassy's yn Y Waun Ddyfal
- Cyhoeddwyd
Mae tri dyn wedi eu harestio yn dilyn ymosodiad difrifol yn ymwneud â chyllell yng Nghaerdydd.
Dywedodd Heddlu De Cymru fod yr ymosodiad wedi digwydd ar Heol Salisbury, Y Waun Ddyfal (Cathays) tua 23:30 nos Fawrth.
Mae un dyn yn yr ysbyty gydag anafiadau difrifol yn dilyn y digwyddiad.
Mae'r ardal wedi'i diogelu gan yr heddlu, sy'n annog unrhyw un â gwybodaeth bellach i gysylltu â nhw.