Geraint Thomas yn cadw trydydd safle'r Giro d'Italia
Mae Geraint Thomas wedi sicrhau lle ar y podiwm yn Rhufain ddydd Sul
- Cyhoeddwyd
Mae Geraint Thomas wedi dal gafael ar drydydd safle'r Giro d'Italia ar ddiwedd cymal cystadleuol olaf y ras.
Roedd gorffen yn seithfed yng Chymal 20 yn ddigon da i'r Cymro - ar ddiwrnod ei ben-blwydd yn 38 oed - sicrhau lle ar y podiwm ddydd Sul.
Fe lwyddodd y seiclwr 25 oed o Slofenia, Tadej Pogacar, i estyn ei fantais wrth orffen yn gyntaf am y chweched tro yn y ras.
Mae'r bwlch rhyngddo a'r seiclwr yn yr ail safle - Daniel Martinez o Golombia - bellach bron yn 10 munud.
Gorymdaith i bob pwrpas yw'r cymal olaf i Rufain ddydd Sul ble mae'r sawl sydd ar y brig yn cael ei goroni'n enillydd.