Gweithiwr wedi marw ar safle ailgylchu

Bu farw gweithiwr ar safle ailgylchu Atlantic Recycling, Caerdydd brynhawn Llun

Mae gweithiwr wedi cael ei ladd yn dilyn digwyddiad ar safle ailgylchu, meddai'r heddlu.

Cafodd criwiau brys eu galw i Atlantic Recycling yn Nhredelerch, Caerdydd, brynhawn Llun.

Dywedodd rheolwr y safle, Grwp Amgylcheddol Dauson, bod y farwolaeth wedi digwydd tra roedd "contractwr yn gwneud gwaith cynnal a chadw" ar y safle.

Cadarnhaodd Heddlu De Cymru fod y dyn wedi marw a bod ei deulu wedi cael gwybod.

Ychwanegodd y llu bod y Gweithgor Iechyd a Diogelwch hefyd wedi cael gwybod a bod ymchwiliad yn parhau.

"Rydym yn parhau i gefnogi'r gwasanaethau brys a'r rheoleiddwyr gyda'u hymchwiliadau ar hyn o bryd," meddai cwmni Dauson mewn datganiad.