Arestio dyn, 37, ar amheuaeth o lofruddio menyw yng Nghaerdydd

Cafodd yr heddlu eu galw i South Morgan Place yn ardal Glan-yr-afon fore Iau

Mae dyn 37 oed wedi cael ei arestio ar amheuaeth o lofruddiaeth yn dilyn marwolaeth menyw yng Nghaerdydd.

Cafodd yr heddlu eu galw i South Morgan Place yn ardal Glan-yr-afon am 07:37 fore Iau, yn dilyn adroddiadau bod menyw wedi cael ei hanafu'n ddifrifol.

Fe gafodd parafeddygon eu galw, ond cafodd y fenyw - a oedd yn ei 30au - ei chyhoeddi'n farw yn y fan a'r lle.

Mae'r dyn gafodd ei arestio yn parhau yn y ddalfa, ac mae'r heddlu yn apelio am wybodaeth gan unrhyw un oedd yn yr ardal fore Iau.