Ethol Laura McAllister yn aelod o bwyllgor gwaith UEFA
Yr Athro Laura McAllister yw'r Gymraes gyntaf erioed i gael ei derbyn i bwyllgor gwaith UEFA
- Cyhoeddwyd
Mae’r Athro Laura McAllister wedi’i hethol yn swyddogol yn aelod o bwyllgor gwaith UEFA.
Hi yw'r Gymraes gyntaf erioed i gael ei derbyn i bwyllgor gwaith y corff sy'n llywodraethu pêl-droed Ewrop.
Cafodd ei rôl ei chadarnhau mewn cyfarfod yn Lisbon, Portiwgal ddydd Mercher.
Yn ddiweddarach, cadarnhaodd Llywydd UEFA, Aleksander Čeferin bod yr Athro McAllister hefyd wedi'i phenodi yn Is-Lywydd.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Mae'r Athro McAllister, 58, yn ddirprwy gadeirydd pwyllgor pêl-droed merched UEFA ac yn aelod o'i weithgor ar gydraddoldeb rhywiol.
Roedd disgwyl iddi sefyll etholiad fis yma ar gyfer y swydd ar y pwyllgor gwaith.
Ond daeth cadarnhad ym mis Chwefror ei bod wedi'i phenodi'n ddiwrthwynebiad.
Enillodd 24 cap dros Gymru, a hi oedd un o'r lleisiau mwyaf blaenllaw i berswadio Cymdeithas Bêl-droed Cymru i gydnabod yr angen am dîm pêl-droed rhyngwladol i ferched.