Arestio dyn ar amheuaeth o lofruddio wedi ymosodiad honedig
Cafodd yr heddlu eu galw i'r digwyddiad tua 11:25 fore Mawrth
- Cyhoeddwyd
Mae dyn wedi cael ei arestio ar amheuaeth o lofruddio ar ôl i ddyn farw yn dilyn ymosodiad honedig y tu allan i dafarn.
Cafodd y gwasanaethau brys eu galw i'r digwyddiad ger tafarn The Picture House ar Stryd y Farchnad yng Nglynebwy tua 11:25 ddydd Mawrth.
Dywedodd yr heddlu nad oedd y dioddefwr 52 oed eisiau mynd i'r ysbyty.
Ond cafodd ei ddarganfod yn anymwybodol mewn eiddo ar Stryd y Brenin yn y dref ddydd Mercher.
Bu farw'r dyn ac mae ei deulu yn derbyn cefnogaeth gan swyddogion arbenigol.
Mae dyn 45 oed o ardal Glynebwy wedi cael ei arestio ar amheuaeth o lofruddiaeth ac mae'n cael ei gadw yn y ddalfa.