Cyfarwyddwr ariannol yn gwadu twyllo dros £500,000 o gartref gofal
Mae Karen Murray wedi'i chyhuddo o dwyllo Canolfan Gofal East Park o dros £500,000
- Cyhoeddwyd
Mae cyfarwyddwr ariannol cartref gofal wedi gwadu twyllo'r cartref o dros hanner miliwn o bunnoedd.
Mae Karen Murray, 57, o Prospect Place, Hwlffordd, yn wynebu naw cyhuddiad, gan gynnwys chwech o dwyll drwy gamddefnyddio swydd.
Mae wedi ei chyhuddo o dwyllo Canolfan Gofal East Park yn Jeffreyston, Cilgeti, Sir Benfro o £506,015.58 rhwng 2013 a 2024.
Mae Ms Murray hefyd yn wynebu tri chyhuddiad yn ymwneud â Deddf Ffugio 1981, drwy ffugio llofnodion tri pherson rhwng 2013 a 2018.
Canolfan Gofal East Park yn Jeffreyston, Cilgeti
Mae hefyd yn wynebu honiadau o ffugio llofnodion ar gais am fenthyciad, ar ffurflen ymddiswyddiad cyfarwyddwr, ac ar gyfrifon cwmni.
Wrth ymddangos yn Llys y Goron Abertawe fore Gwener plediodd yn ddieuog i bob un o'r naw cyhuddiad.
Mae Ms Murray wedi'i rhyddhau ar fechnïaeth ddiamod tan yr achos ym mis Mehefin y flwyddyn nesaf.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.