Apêl heddlu wedi ymosodiad honedig ar fyfyrwyr yn Aberystwyth
Fe ddigwyddodd yr ymosodiad honedig ar Allt Penglais, Aberystwyth
- Cyhoeddwyd
Mae Heddlu Dyfed-Powys yn ymchwilio i adroddiadau bod rhywun wedi ymosod ar dri myfyriwr yn Aberystwyth wythnos diwethaf.
Fe ddigwyddodd yr ymosodiad honedig ger y bont ar Allt Penglais tua 01:00 fore Mercher, 8 Hydref.
Dywed y llu bod yr ymosodwr wedi ei ddisgrifio fel dyn gwyn tua chwe throedfedd o daldra ac yn fawr yn gorfforol, gyda gwallt tywyll hir.
Roedd yn gwisgo dillad du, gyda phatrwm 'sgerbwd ar ei dop, ac esgidiau gwyn, ac fe gerddodd i gyfeiriad canol y dref wedi'r digwyddiad.
Mae'r heddlu'n awyddus i glywed gan unrhyw un a welodd yr ymosodiad neu sy'n gallu cynnig gwybodaeth o fudd i'r ymchwiliad.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.