Dyn wedi marw mewn digwyddiad beic cwad yng Ngheredigion
Fe gafodd y gwasanaethau brys eu galw i ardal Llanilar nos Fercher
- Cyhoeddwyd
Mae dyn 65 oed wedi marw yn dilyn digwyddiad yn ymwneud â beic cwad amaethyddol yng Ngheredigion.
Fe gafodd y gwasanaethau brys eu galw i gae yn ardal Llanilar ger Aberystwyth nos Fercher.
Bu farw'r dyn yn y fan a'r lle, yn ôl Heddlu Dyfed-Powys.
Ychwanegodd y llu bod teulu'r dyn yn cael cefnogaeth gan swyddogion arbenigol.
Mae'r crwner a'r Gweithgor Iechyd a Diogelwch wedi cael manylion yr achos.