Ysgol gynradd ar gau yn dilyn negeseuon bygythiol dros nos
Ni wnaeth Ysgol Gynradd Dafen yn Llanelli agor ddydd Llun
- Cyhoeddwyd
Mae ysgol gynradd yn Llanelli wedi gorfod ar os gau ddydd Llun ar ôl i negeseuon bygythiol gael eu gwneud ar y we.
Dywedodd Heddlu Dyfed-Powys eu bod wedi derbyn gwybodaeth am 02:30 yn ymwneud ag Ysgol Gynradd Dafen oedd yn golygu bod angen gweithredu camau diogelu.
Cafodd y penderfyniad ei wneud ar y cyd rhwng yr heddlu a Chyngor Sir Gâr.
Mae presenoldeb heddlu wedi bod yn yr ysgol ac ardaloedd o'i hamgylch gydol y dydd, a bydd hynny'n parhau wrth i swyddogion barhau i wneud ymholiadau.
'Tawelwch meddwl' i ysgolion eraill
Mewn datganiad dilynol brynhawn Llun, dywedodd yr heddlu: "Ni allwn wneud sylw pellach ynghylch natur y bythgiad ac rydym yn annog pobl i beidio â dyfalu ynghylch yr amgylchiadau..."
"Hoffwn ni ddiolch rhieni a gwarchodwyr am eu cefnogaeth yn ystod y cyfnod pryderus yma.
"Diolgewch a lles yr ysgol, disgyblion a'r gymuned ehangach sydd wrth wraidd yr ymchwiliad yma."
Ychwanegodd y datganiad bod swyddogion heddlu "hefyd yn ymweld ag ysgolion yn ardal ehangach Llanelli i roi tawelwch meddwl".
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.