Ceannard Foghlaim is Phlanaichean ùr aig Bòrd na Gàidhlig

Chaidh Calum Rothach ainmeachadh mar Cheannard Foghlaim is Phlanaichean aig Bòrd na Gàidhlig.

Thuirt Bòrd na Gàidhlig gum bi Mgr Rothach a' tòiseachadh anns an dreuchd san t-Samhain.

Bha Calum Rothach roimhe na chomhairliche aig Còmhairle na Gàidhealtachd.

Ghlèidh Mgr Rothach Uard Eilean a' Cheò mar chomhairliche neo-eisimeileach ann an 2020 an toiseach, às dèidh don Chomh. Raghnall MacDhòmhnaill a dhreuchd a leigeil dheth.

Sheas e a-rithist ann an taghaidhean nan ùghdarrasan ionadail ann an 2022, far an d'fhuair e a-steach san chòigeamh cuairt.

Leig e dheth a dhreuchd mar chomhairliche sa Mhàirt 2025.

Thuirt Bòrd na Gàidhlig gun robh iad air leth toilichte ainmeachadh gun deach Calum Rothach a chur anns an dreuchd.