Canolfan siopa gwerth £40 miliwn ym Merthyr Tudful
- Cyhoeddwyd
Darlun y datblygwyr o'r siop newydd
Mae gwaith adeiladu yn dechrau ym Merthyr Tudful ar ganolfan siopa a hamdden newydd.
Mae disgwyl i'r fenter greu 400 o swyddi. Bydd y ganolfan yn cael ei hadeiladu wrth ymyl parc manwerthu Cyfarthfa ac fe fydd yn cynnwys adeilad 30,250 metr sgwâr, yn ogystal â ffyrdd a maes parcio newydd.
Bydd siop newydd Trago Mills yn cynnwys caffi, canolfan arddio, a lle chwarae.
Mae'r cwmni yn gwerthu nwyddau gan gynnwys dodrefn, dillad, teganau a llyfrau.
Bydd y ganolfan yn cael ei hadeiladu wrth ymyl parc manwerthu Cyfarthfa
Yn ogystal bydd warws sylweddol yno a swyddfeydd.
Yn ôl y datblygwyr fe ddylai'r ganolfan newydd gael ei chwblhau erbyn 2018.
Disgwylir i'r prosiect adeiladu gyflogi tua 250 o weithwyr yn ystod y ddwy flynedd nesaf.