Ymosodiad Bangor: Carcharu dyn o Ynys Môn

Roedd Joseph Sean Ryan, 32 oed, wedi ei gyhuddo o achosi niwed corfforol

Mae dyn o Ynys Môn wedi ei garcharu am 30 mis yn dilyn ymosodiad difrifol ym Mangor ym mis Rhagfyr.

Roedd Joseph Sean Ryan, 32 oed, wedi ei gyhuddo o achosi niwed corfforol i ddyn 77 oed.

Fe wnaeth Paul Jones, ddioddef anafiadau difrifol wedi'r ymosodiad yn Nheras Plas Llwyd yn hwyr brynhawn Llun 18 Rhagfyr.

• Apêl am wybodaeth wedi ymosodiad Bangor

Roedd ei anafiadau mor ddifrifol bu'n rhaid ei drosglwyddo i ysbyty arbenigol yn Stoke.

Dywedodd yr heddlu fod Ryan yn droseddwr cyson, a bod "ein cymunedau yn llefydd llawer mwy diogel" gan ei fod dan glo.