Criced: Morgannwg yn colli i Gaint
- Cyhoeddwyd
Batio Sean Dickson yn rhoi dechrau campus i'r ymwelwyr
Colli fu hanes tîm criced Morgannwg yn erbyn Caint ar drydydd diwrnod y chwarae ar Erddi Soffia.
Doedd hi ddim yn dasg anodd i Gaint gael y llaw uchaf ar Forgannwg ar drydydd diwrnod y gêm bencampwriaeth.
Roedd Morgannwg i gyd allan am 274 fore Sul ac felly yn gadael tasg o gyrraedd 195 i fatwyr Caint.
Rhoddodd y ddau agorwr - Daniel Bell-Drumond (36) a Sean Dickson (39) - ddechrau campus i'r ymwelwyr a chafwyd batiad cadarn gan Heino Kuhn wedi hynny (69 heb fod allan).
Er i Forgannwg gipio wiced Denly (26) a Crawley (11) doedd yna fawr o obaith rhwystro Caint rhag cyrraedd 195 ac fe wnaed hynny am y pedair wiced gyda bron i ddiwrnod a hanner yn sbâr.
Anodd ailgydio
Diwrnod cyntaf echrydus oedd yn bennaf gyfrifol am golli'r gêm gyda batiad Morgannwg yn 94 i gyd allan.
Roedd ailgydio yn y gêm wedyn yn dasg rhy anodd.
Dyma ail fuddugoliaeth Caint o'r bron.
Caint (19 pwynt) Morgannwg (3 pwynt)