Dechrau da i Forgannwg yn erbyn Sir Gaerlŷr
- Cyhoeddwyd
Fe wnaeth Michael Hogan gymryd tair wiced ar ddiwrnod da i Forgannwg
Morgannwg wnaeth reoli'r diwrnod cyntaf yn erbyn Sir Gaerlŷr ddydd Gwener, wrth i'r tîm cartref gael eu bowlio allan am sgôr o 191.
Yna llwyddodd y Cymry i gyrraedd sgôr o 82 heb golli wiced diolch i fatio cadarn Nick Selman a Jack Murphy.
Roedd holl fowlwyr Morgannwg yn edrych yn beryglus mewn amodau cymylog yng Nghaerlŷr, gyda Michael Hogan a Marchant de Lange yn cymryd tair wiced yr un.
Bu'n rhaid i wicedwr y tîm cartref, Lewis Hill, adael y gêm wedi i'r bêl ei daro'n wael ar ei fraich, ond llwyddodd i ddychwelyd i'r cae ar ôl i brofion ddangos nad oedd wedi'i thorri.