Cyhoeddi rhestr fer Albwm Cymraeg y Flwyddyn
- Cyhoeddwyd
Mae'r Eisteddfod Genedlaethol wedi cyhoeddi rhestr fer ar gyfer Gwobr Albwm Cymraeg y Flwyddyn.
Yn eu plith mae Gwyneth Glyn, Band Pres Llareggub, Serol Serol, Yr Eira a Gai Toms.
Bydd Blodau Gwylltion, Bob Delyn a'r Ebillion, Mellt, Y Cledrau a Mr Phormula hefyd yn cystadlu am y wobr.
Fe fydd yr enillydd yn cael ei ddewis gan reithgor o unigolion o'r diwydiant cerddoriaeth, gyda'r enillydd yn derbyn tlws wedi'i gomisiynu'r arbennig gan Ann Catrin Evans.
Y deg albwm ar y rhestr fer:
Band Pres Llareggub - Llareggub
Blodau Gwylltion - Llifo fel Oed
Bob Delyn a'r Ebillion - Dal i 'Redig Dipyn Bach
Gai Toms - Gwalia
Gwyneth Glyn - Tro
Mellt - Mae'n Hawdd Pan ti'n Ifanc
Mr Phormula - Llais
Serol Serol
Y Cledrau - Peiriant Ateb
Yr Eira - Toddi
Bendith ennillodd gwobr Albwm y Flwyddyn yn 2017
Dyma'r pumed tro i'r wobr gael ei chyflwyno, a'r cyn-enillwyr yw Bendith, Sŵnami, Gwenno a The Gentle Good.
Cyhoeddir enw'r enillydd mewn seremoni yn yr Eisteddfod ar ddydd Iau 9 Awst.