Arestio dau wedi digwyddiad yn Heol Dŵr, Caerfyrddin

Cafodd ffrwydradau llonyddu eu defnyddio yn ystod y cyrch

Cyhoeddodd Heddlu Dyfed-Powys eu bod wedi arestio dyn a dynes yn dilyn digwyddiad yn Heol Dŵr yng Nghaerfyrddin nos Fercher.

Roedd nifer o'r strydoedd yng nghanol Caerfyrddin wedi cau yn ystod y digwyddiad, a chafodd 30 o dai cyfagos eu gwagio.

Cafodd dyn 24 oed ei arestio ar amheuaeth o fod ag arf yn ei feddiant a chafodd dynes 35 oed ei harestio ar amheuaeth o geisio cynnau tân yn fwriadol, gyda'r bwriad o beryglu bywyd.

Cafodd y ddynes ei chludo i'r ysbyty wedi'r digwyddiad, ond erbyn hyn mae hi a'r dyn yn y ddalfa.

Digwyddiad Caerfyrddin

Roedd presenoldeb yr heddlu yn amlwg ar Heol Dŵr yng Nghaerfyrddin

Yn wreiddiol, cafodd yr heddlu eu galw i dafarn y Blue Boar yn Heol Dŵr yn dilyn adroddiad o ddyn â dryll toc wedi 17:00 brynhawn Mercher, cyn mynd i chwilio am y dyn a'i ganfod mewn fflat ar y stryd.

Pan geisiodd swyddogion gysylltu gyda'r dyn, oedd yn y fflat gyda dynes, cafodd yr heddlu eu bygwth a'r fynedfa ei flocio.

Cafodd heddlu arfog eu hanfon i'r ardal, ynghyd â'r gwasanaeth tân a'r ambiwlans.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Aled Scourfield

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Daeth cadarnhad gan yr heddlu am 21:20 bod y digwyddiad drosodd ac nad oedd unrhyw un wedi cael niwed.

Diolchodd y llu i'r cyhoedd ac asiantaethau eraill am eu cefnogaeth a'u gwaith i ddod a'r digwyddiad i ben yn ddiogel.

Mae'r dryll bellach ym meddiant yr heddlu ac mae'r ymchwiliad yn parhau.

Mae Heddlu Dyfed-Powys yn gofyn i lygad dystion ac unrhyw un ag unrhyw wybodaeth gysylltu â nhw ar 101.

Straeon perthnasol