Cau'r hen bont Hafren oherwydd salwch staff

Mae salwch ymhlith staff Pont Hafren ar yr M48 wedi arwain at gau'r ffordd i gyfeiriad y gorllewin.

Penderfynodd yr Asiantaeth Priffyrdd gau'r tollbyrth ar y bont er diogelwch i staff a gyrwyr.

Y cyngor i deithwyr yw i deithio i'r ail bont, sy bellach wedi ei hail-enwi'n Bont Tywysog Cymru.

Mae disgwyl i'r ffordd barhau ynghau tan 14:00 ddydd Sadwrn.