Chwilio am yrrwr fan wedi gwrthdrawiad yng Nghaerfyrddin

Mae Heddlu Dyfed-Powys yn apelio am help y cyhoedd i ddod o hyd i yrrwr fan yn dilyn gwrthdrawiad gyda cherddwr yng Nghaerfyrddin prynhawn Mawrth.

Digwyddodd y gwrthdrawiad gyda'r fan Mercedes Sprinter am 14:35 ar y gyffordd rhwng Rhodfa Nash a Heol Dolgwili.

Cafodd dyn 75 oed ei anafu, ond mae'r dyn bellach mewn cyflwr sefydlog.

Mae'r heol wedi cau rhwng y ddwy gylchfan ac mae'n debygol o aros ar gau am y tro.

Mae'r heddlu'n apelio ar unrhyw un a welodd y digwyddiad, neu sy'n gwybod unrhyw beth all gynorthwyo'r heddlu i ddod o hyd i yrrwr y fan, i gysylltu gyda nhw ar 101.