Pencampwriaeth y Siroedd: Morgannwg allan am 203
- Cyhoeddwyd
Fe gymrodd Olly Stone bedair o wicedi Morgannwg ar ddiwrnod cyntaf y chwarae ym Mae Colwyn
Roedd Morgannwg allan am 203 o rediadau ar ddiwrnod cyntaf eu gêm erbyn Sir Warwick ym Mhencampwriaeth y Siroedd ddydd Mercher.
Fe sgoriodd Craig Meschede 53 o rediadau heb fod allan ar ôl i'r gwrthwynebwyr alw'n gywir a dewis maesu.
Pan ddaeth y chwarae i ben ym Mae Colwyn roedd Sir Warwick wedi sgorio 116 o rediadau a cholli tair wiced wedi 36 pelawd.
Targed yr ymwelwyr ar gyfer ail ddiwrnod y chwarae yw 87 rhediad, gyda saith wiced yn weddill ac Ian Bell ar sgôr o 43 o rediadau heb fod allan.
Morgannwg: Selman, Murphy, Brown, Carlson, Lloyd, Cooke, Wagg, Meschede, Salter, R Smith, Hogan.
Sir Warwick: Rhodes, Sibley, Bell, Trott, Hain, Ambrose, Barker, Patel, Wright, Sidebottom, Stone.