Y Bencampwriaeth: Abertawe 1-0 Millwall
- Cyhoeddwyd
George Byers yn dathlu ei gôl gyntaf
Fe wnaeth Abertawe guro Millwall ar y Liberty gan orffen wythnos gythryblus - a welodd y cadeirydd Huw Jenkins yn ymddiswyddo - ar nodyn mwy gobeithiol.
Fe lwyddodd yr Elyrch i greu nifer o gyfleoedd yn yr hanner cyntaf, ac aethant yn haeddiannol ar y blaen gyda gôl gyntaf George Byers i'r clwb.
Daeth Millwall yn fwy i'r gêm wedi'r egwyl, gydag ergyd Jed Wallace yn hynod agos.
Daeth cyfle gorau Abertawe i sgorio ail gôl, pan gafodd ymdrech Bersant Celina ei chlirio oddi ar y llinell gôl.
Golygai'r canlyniad fod Abertawe yn codi i safle 11 yn y Bencampwriaeth.