Dwsinau o ddefaid beichiog wedi'u dwyn o fferm ym Mhowys
- Cyhoeddwyd
Defaid tebyg i'r un yma ar y chwith gafodd eu dwyn o'r fferm
Mae heddlu'n ymchwilio wedi i 46 o ddefaid beichiog gael eu dwyn oddi ar fferm yng ngogledd Powys.
Cafodd swyddogion o dîm troseddau gwledig Heddlu Dyfed Powys wybod am y digwyddiad yn Llanfechain ar ddydd Sadwrn, 16 Chwefror.
Ond mae'n debyg bod y defaid Cymreig wedi eu dwyn rhyw bryd ym mis Ionawr neu Chwefror.
Mae'r defaid wedi cael eu marcio gyda lliw coch ar ganol eu cefnau.
Dylai unrhyw un â gwybodaeth ffonio 101.